“Hələlik gələcək karyerama aydınlıq gətirməmişəm”. Bu sözləri Lent.az-a açıqlamasında Azərbaycanın stend atıcılığı üzrə olimpiya çempionu Zemfira Meftahəddinova deyib.
47 yaşlı idmançı karyerasını davam etdirmək və ya başa vurmaq haqda konkret qərar qəbul etmədiyini bildirib: “Hələlik fikirləşirəm. Yekun qərarı qəbul edəndə sizi də məlumatlandıracağam”.
2012-ci il London Yay Olimpiya Oyunlarına gəldikdə, Meftahəddinova “Ola bilsin, lisenziya xarakterli yarışlara qatıldım. Olimpiadanın özünə hələ 3 il var. Yaşayarıq, görərik” deyib.
Qeyd edək ki, Zemfira Mehtahəddinova 2000-ci il Sidney Yay Olimpiya Oyunlarında qızıl, 2004-cü il Afina olimpiadasında isə bürünc medal qazanıb. 2008-ci il Pekin olimpiadasında da iştirak edən Meftahəddinova mükafatçılar sırasına düşə bilməyib.
“Mundiala qatılan bəzi ölkələrin adlarını birinci dəfə eşidirəm” 
İdmançımız Macarıstandan Avropa çempionu kimi dönür 
Snayperlərimizdən ən yaxşı göstərici olimpiya mükafatçımıza məxsusdur 
“Azərbaycandan gedəndə çox əziyyət çəkdim” - MÜSAHİBƏ 
İkiqat olimpiya çempionu avtomobil qəzasında həlak oldu 
