Ələkbər İmaməliyev: Son qərarı rəhbərlik verəcək
13:12 06-01-2012
Font ölçüsü : a | A
 |
|
|
|
|
“Tam qərar sabah veriləcək. Lakin rəhbərliyə öz namizədlərimizi irəli sürmüşük”. Bunu apasport.az saytına açıqlamasında taekvondo üzrə kişilərdən ibarət Azərbaycan milli komandasının baş məşqçisi Ələkbər İmaməliyev deyib.
O bildirib ki, yanvarın 27-29-da London-2012-yə lisenziya xarakterli Avropa təsnifat turniri üçün hazırlıq yüksək səviyyədə keçib. Yığmamız hələlik 4 mümkün lisenziyadan ikisinə dünya təsnifat turnirində (Ramin Əzizov (80 kq) və Fəridə Əzizova (67 kq)) sahib olduğundan Rusiyanın Kazan şəhərində keçiriləcək yarışa 2 nəfərlə yollanacaq.
İmaməliyev bildirib ki, 1 kişi və 1 qadın taekvondoçu ilə təmsil olunacağımız Avropa təsnifat turnir üçün öz namizədləri məlumdur: “Bildiyiniz kimi, Günay Ağakişiyeva, Səbinə Mikayılova (hər ikisi 57 kq), Fariz Əliyev, İlkin Şahbazov, Elvin Məmmədov (hamısı 68 kq) və Təvəkkül Bayramov (+80 kq) arasında seçim etməli idik. Artıq biz öz namizədlərimizi təqdim etmişik. Bunlar Ağakişiyeva ilə Bayramovdur. Onlar üzərində seçim etməyimizdə bu taekvondoçuların dünya reytinqində irəlidə olması və daha hazırlıqlı olması mühüm rol oynayıb. Lakin bu, o demək deyil ki, məhz onlar gedəcəklər. Son qərarı rəhbərlik verəcək”.
Qeyd edək ki, Avropa təsnifat turnirində ilk 3 yeri tutacaq taekvondoçular Olimpiadaya lisenziya qazanacaqlar.
bu xəbər
448 dəfə oxunub
|
Yelena Vıstropova: O qədər həyəcanlıyam ki... - MÜSAHİBƏ
Saypulla Absaidov: Əsas məqsədimiz Dünya Kubokunu qazanmaqdır
“Çəkimi dəyişsəm də, adımı itirmədim”
Rəhimovun arzusu puç oldu - YENİLƏNİB
Məhəmmədov lisenziya qazana bilmədi - YENİLƏNİB
